İndi
Övlad sahibi olmaq istəyirik
Hamiləlik gecikirsə, əvvəlcə səbəb tapılır: cütlük birlikdə müayinə olunur, sonra ən uyğun yol seçilir — müalicə, əməliyyat, aşılama və ya süni mayalanma.
DURU Sonsuzluq Mərkəzi · Dr. Emin Haqverdiyev
Bakıda sonsuzluq müalicəsi və süni mayalanma
Sonsuzluğun sonu var.
DURU Sonsuzluq Mərkəzi Bakıda, Nəsimi rayonunda yerləşən sonsuzluq və qadın sağlamlığı mərkəzidir. Mərkəz 2021-ci ildə uzman mama-ginekoloq, süni mayalanma mütəxəssisi Dr. Emin Haqverdiyev tərəfindən təsis edilib. Burada əvvəlcə sonsuzluğun səbəbi araşdırılır, müalicə yolu isə yalnız səbəb tapıldıqdan sonra seçilir.
- 2021-ci ildən Bakıda
- Qadın və kişi sonsuzluğu bir komandada
- Bölgələrdə mütəmadi qəbul
Embriologiya laboratoriyası
ICSI, çip üsulu ilə sperm seçimi, dondurma və saxlanma.
Müalicə yolu
- 1Cütlüyün birlikdə müayinəsi
- 2Səbəbin tapılması
- 3Fərdi müalicə planı
Bölgə qəbulları
Gəncə, Mingəçevir, Şəki və digər şəhərlər.
Sizin yolunuz
Hansı mərhələdəsiniz?
Hər cütlüyün hekayəsi fərqlidir. Müalicə yolu da cütlüyün vəziyyətinə, yaşına və vaxtına görə qurulur.
Gələcək üçün
Ana olmağı sonraya planlaşdırıram
Yumurtaları bugünkü keyfiyyəti ilə dondurmaq illər sonra daha gənc yaşda toplanmış yumurtalardan istifadə etməyə imkan verir. Evlənməmiş xanımlarda yumurtalar göbək ətrafından toplana bilər.
Xidmətlər
Diaqnostikadan hamiləliyin təqibinə qədər
Sonsuzluğun diaqnostikası
Cütlük birlikdə müayinə olunur: hormon analizləri, USM, HSG, spermioqram, genetik testlər.
ƏtraflıSüni mayalanma (IVF)
Yumurtaların laboratoriyada mayalandırılması və embrionun uşaqlığa köçürülməsi.
ƏtraflıICSI (mikroinyeksiya)
Tək spermin mikroskop altında yumurtanın içinə yeridilməsi.
ƏtraflıAşılama (IUI)
Hazırlanmış spermanın ovulyasiya vaxtı uşaqlığa yeridilməsi; narkoz tələb etmir.
ƏtraflıEmbrion transferi
Süni mayalanmanın son və ən həssas mərhələsi.
ƏtraflıYumurta dondurma
Ana olmağı təxirə salan xanımlar üçün fertilliyin qorunması.
ƏtraflıKişi sonsuzluğu
Spermioqram, varikosel, azoospermiya, TESE və mikro-TESE, çip üsulu ilə sperm seçimi.
ƏtraflıGenetik testlər (PGT)
Embrionun transferdən əvvəl genetik analizi, karyotip, genetik skrininq.
ƏtraflıHisteroskopiya
Polip, uşaqlıq arakəsməsi, yapışıqlıq və digər uşaqlıqdaxili problemlərin kəsiksiz müalicəsi.
ƏtraflıLaparoskopiya
Endometrioz, yapışıqlıqlar, boru problemləri və uşaqlıq anomaliyaları üçün qapalı əməliyyat.
ƏtraflıHamiləliyin təqibi
Süni mayalanmadan sonrakı və riskli hamiləliklərin izlənməsi, serklaj, qeysəriyyə.
ƏtraflıPsixoloji dəstək
Müalicə yolunda cütlüyün emosional yükünün yüngülləşdirilməsi.
ƏtraflıYanaşmamız
Nəyə görə DURU?
Əvvəl səbəb, sonra müalicə
Səbəbini tapmadan addım atmırıq. Fərqi analizlərin sayı deyil, onların düzgün oxunması yaradır.
Hər cütlüyə süni mayalanma lazım deyil
Bəzən kiçik bir histeroskopiya, düzgün seçilmiş müalicə və ya aşılama kifayət edir. Süni mayalanma lazım olanda isə vaxt itirmirik.
Lazımsız əməliyyat yoxdur
Nə vaxt əməliyyat etmək lazım olduğunu bildiyimiz kimi, nə vaxt etməmək lazım olduğunu da bilirik. Əməliyyat lazım olanda qapalı — laparoskopik və histeroskopik — üsula üstünlük veririk.
Açıq söhbət
Əlimizdə sehrli çubuq yoxdur. Şans real olanda müalicəyə başlayırıq, az olanda bunu açıq deyirik və digər yolları birlikdə müzakirə edirik.
Cütlük birlikdə
Qadın və kişi eyni vaxtda qiymətləndirilir. Uroloq-androloq və embrioloqlar komandamızın ayrılmaz hissəsidir.
Tək deyilsiniz
Müalicə psixoloji dəstəklə birlikdə aparılır. Bölgələrdə yaşayanlar üçün isə yol elə qurulur ki, Bakıya yalnız lazım olanda gəlsinlər.
Süni mayalanma addım-addım
Müayinədən hamiləlik testinə qədər
Müayinə və plan
Cütlüyün analizləri qiymətləndirilir, fərdi protokol seçilir.
Stimulyasiya və izləmə
Follikulların inkişafı USM ilə izlənir; bölgədə yaşayanlar bu müayinədən yerli USM həkimində keçə bilər.
Yumurta toplama
Qısa müddətli narkoz altında aparılır.
Laboratoriyada mayalanma
Klassik IVF və ya ICSI.
Transfer və test
Transferdən təxminən 10–14 gün sonra qan analizi verilir.
Həkimimiz
Təsisçi və rəhbər: Dr. Emin Haqverdiyev
Tibb təhsilini Ankarada, Gazi Universitetində alıb, mama-ginekologiya üzrə ixtisaslaşmanı da Ankarada başa vurub. İstanbulda Acıbadem Atakent və İzmitdə VM Medical Park xəstəxanalarının süni mayalanma bölmələrində çalışıb, Bahçeşehir Universitetinin Tibb fakültəsində həkim-pedaqoq olub. 2019-cu ildən Bakıda fəaliyyət göstərir.
- Gazi Universiteti
- Ankara Yıldırım Beyazıt Universiteti
- ESHRE və ASRM üzvü
Həkim haqqında ətraflı“Xəstələrimizi nə vaxt əməliyyat edəcəyimizi bildiyimiz kimi, nə vaxt əməliyyat etməməli olduğumuzu da bilməliyik.”
Laboratoriya
Embriologiya laboratoriyası
“Yaxşı embrioloq işimizin ən azı yarısıdır.”
Dr. Emin Haqverdiyev
- Sperma analizi, hərəkətliliyə və quruluşa görə sperm seçimi, göstəriş olduqda çip üsulu
- Klassik IVF və ICSI, bəzi hallarda Piezo-ICSI
- TESE və mikro-TESE nümunələrində sperm axtarışı
- Embrionların inkişafının izlənməsi və qiymətləndirilməsi
- Embrion, yumurta və spermanın maye azotda saxlanması
Bölgə qəbulları
Bakıdan kənarda yaşayırsınız? Məsafə müalicəyə mane olmamalıdır
Dr. Emin Haqverdiyev və komandası mütəmadi olaraq bölgələrdə qəbul keçirir. Qəbul tarixləri Instagram səhifələrimizdə elan olunur, qəbul yalnız əvvəlcədən qeydiyyatla mümkündür.
- Gəncə
- Mingəçevir
- Şəki
- Qəbələ
- Quba
- Masallı
- Xaçmaz
- Bərdə
- Lənkəran
- Şamaxı
- Goranboy
Stimulyasiyanı yaşadığınız yerdə izləyin
- Yerli USM həkimində follikul müayinəsindən keçirsiniz.
- Follikulların sayı və ölçüləri detallı qeyd olunur.
- Proses məsafədən izlənir, növbəti addım planlaşdırılır.
- Bakıya yalnız yumurta toplama və transfer kimi mərhələlər üçün gəlirsiniz.
Videolar
Dr. Emin Haqverdiyev izah edir
Mediada
Televiziya, podkast və elmi tədbirlər
- İTV, “Sağlam Yaşamaq”2019
- ARB, “Faydalı Saat”2020
- “Üzləşmə” podkastı2025
- “Podkast Kimi Adam”2025
- ESHRE-nin 41-ci illik toplantısı2025
Suallar
Tez-tez verilən suallar
Nə vaxt sonsuzluq həkiminə müraciət etməliyik?
12 ay müntəzəm, qorunmasız cinsi həyata baxmayaraq hamiləlik baş vermirsə, cütlük birlikdə müayinə olunmalıdır. Qadın 35 yaşdan yuxarıdırsa, 6 ay ərzində hamiləlik baş vermədikdə, 40 yaşdan sonra isə gözləmədən müraciət etmək lazımdır.
Hər cütlüyə süni mayalanma lazımdırmı?
Xeyr. Bəzən hamiləliyə polip, uşaqlıq boşluğunun forması və ya hormonal pozğunluq kimi sadə problem mane olur. Səbəb aradan qaldırıldıqda hamiləlik təbii yolla və ya aşılama ilə baş verə bilər. Süni mayalanma göstərişə görə seçilir.
AMH-ım aşağıdır. Hamilə qalma şansım varmı?
Bəli. Aşağı AMH az sayda yumurta deməkdir, amma yumurtanın keyfiyyətini birbaşa göstərmir. Süni mayalanma üçün bəzən bir keyfiyyətli yumurta da kifayət edir. Bu vəziyyətdə əsas məsələ vaxt itirməmək və fərdi protokol seçməkdir.
Spermioqramda 0 sperm çıxıb. Övladımız ola bilməz?
Həmişə belə deyil. Bəzən sperm xayada istehsal olunur, amma axarlar tıxandığı üçün xaricə çıxa bilmir. TESE və ya mikro-TESE ilə xayadan əldə olunan spermlərlə ICSI üsulu ilə mayalanma aparıla bilər. Spermin tapılma ehtimalı əvvəlcədən müayinələrlə qiymətləndirilir.
Onlayn konsultasiya edirsinizmi?
Tam onlayn konsultasiya aparmırıq, çünki düzgün qərar üçün müayinə vacibdir. Amma analizlərinizi Instagram və ya WhatsApp vasitəsilə göndərib ilkin sualınızı verə və qəbula yazıla bilərsiniz.
Bloq
Faydalı yazılar
Süni mayalanma
Süni mayalanma haqqında 7 yanlış fikir
“Süni uşaq”, cinsiyyət hesablaması, boru yuyulması, transferdən sonra yataq rejimi — ən çox yayılmış yanlış fikirlər və doğrusu.
Oxuyun Yumurta ehtiyatıAşağı AMH: rəqəmdən qorxmaq yox, vaxtı düzgün istifadə etmək
AMH yumurta ehtiyatının miqdarını göstərir, keyfiyyətini yox. Aşağı AMH-da nə etmək olar?
Oxuyun Kişi sonsuzluğuSpermioqramda 0 sperm: azoospermiya həmişə son deyil
TESE və mikro-TESE ilə xaya toxumasından sperm axtarılır və ICSI üsulu ilə istifadə olunur.
OxuyunƏlaqə
Qəbula yazılmaq üçün bizə zəng edin və ya yazın
Qəbul əvvəlcədən qeydiyyatla aparılır. Əvvəlki bütün analizlərinizi və müalicə sənədlərinizi özünüzlə gətirin.